都市日報
 即時新聞
  Metro 28
娛樂
張文新 直認樂壇頒獎禮有「黑幕」
返回

吳錫輝(輝哥)主持的《輝哥的饌賞(貳)》今次找來多位廣播界名人、DJ,包括張文新、鄧慧詩、梁繼璋、何嘉麗、彭晴及曾志豪,到茶室一邊享受美食,一邊大談工作轉變及趣事,席間張文新直認當年的樂壇頒獎禮有「黑幕」。撰文:張仲碩|圖:now TV


席間眾人大談於廣播界的工作點滴,當中梁繼璋當年與倪震及邵國華主持的《三個寂寞的心》紅極一時,梁繼璋道出箇中成功之處:「星期日嘅時段係玩樂時間,本來偏少人聽,但我哋嘅節目出街後就帶嚟改變,我哋透過唔同人嘅組合、獨特性格出咗化學作用係好得意。當時倪震扮花花公子,邵國華扮鍾意睇女仔,而我扮老古董,呢個組合都發揮到互相影響嘅感覺。」

鄧慧詩堅守播英文歌的崗位,擴闊香港人聽歌的歌路;張文新則是電台播放中文歌的先驅,將播歌及遊戲結合,是香港首位用歌作排行榜的人。其節目大受歡迎,結果歌曲頒獎禮應運而生:「我當時堅信中文歌應該有市場,既然外國有格林美,我就度咗個十大金曲頒獎禮。」他笑言當年頒獎禮存在「黑幕」,但是由聽眾一起「造成」。

香港經歷無數轉變、風浪,輝哥說到多年的廣播工作讓他與不同人士傾談,並擴闊人際網絡。輝哥在每集節目總會問嘉賓誰人最值得「饌賞」,這次輪到他自己作答:「就係離開我哋十年嘅黃霑,佢唔單止係一個香港仔,係代表一種拼搏嘅香港精神。我認為黃霑喺好多方面,都係創作領域嘅泰斗。」


《輝哥的饌賞(貳)》

播映頻道:now 101台

播映日期:7月19日(星期六)

播映時間:晚上10時30分

主持人:吳錫輝

嘉賓:張文新、梁繼璋、鄧慧詩、何嘉麗、彭晴、曾志豪

**節目如有更改,以最後公布為準,詳情請瀏覽http://www.now.com/







Copyright 2014 by Metro Publishing HK Ltd.
私隱政策  |   免責聲明  |   桌面版