都市日報
 即時新聞
  Metro 28
港聞
NEWS力場 毛記電視「新聞」 預告拍《On車36小時》?
返回

自稱覆蓋百分百「廢青」、由年輕人雜誌《100毛》搞嘅「毛記電視」,噚日終於正式開台啦!毛記好早話會主打《六點半左右新聞報道》,咁小記「肯肯定」諗住睇吓毛記嘅頭炮作,捧吓場咁啦!


點知去到TVB播晒《六點半新聞報道》,毛記嘅《六點半左右新聞報道》都仲無聲無氣喎!小記同一班網民,真係㩒到F5(更新此頁)個掣爛,都未見得到喎!


到晚上8點40分左右,小記終於見到《六點半左右新聞報道》啦!主持「o趙海珠」就重點報道「的士哥大戰巴士司機」嘅網絡熱話,仲改編埋「改正和諧版」同「和諧政改版」添!


「o趙海珠」又喺報道入面爆料,話「毛記電視」會將「的士哥大戰巴士司機」呢個情節,改拍劇集《On車36小時》,仲話會邀請「的士陳」(陳偉霆)同林雪拍喎!佢哋仲話,個結局就係喺巴士上BBQ兼跳起Yeah!真係諷刺味極濃喎!


 




▲「o趙海珠」係首集新聞主持人。(網上圖片)


▲「毛記電視」網頁製作得好認真㗎!(網上圖片)


▲「毛記電視」工作人員趕工,證明誠意!(facebook)

Copyright 2014 by Metro Publishing HK Ltd.
私隱政策  |   免責聲明  |   桌面版